أكد أحمد حسام ميدو لاعب الزمالك الاسبق، وعضو اللجنة الفنية أن اداء الفريق تحسن كثيراً مع الكولومبى خوان كارلوس أوسوريو.
وأكد ميدو ان هذا التحسن ظهر فى مباراة الفريق الاخيرة امام فاركو فى دور الـ 16 من بطولة كاس مصر، والذى فاز الزمالك بها وصعد لدور الـ 8.
ميدو وعبر برنامجة التلفزيونى قال : الزمالك بيلعب كرة جميلة مع المدير الفنى خاصةً فى أول 60 دقيقة من عمر اى مباراة.
فى لاعيبة اتطور مستواها جداً زى أحمد فتوح ومصطفى شلبي، الى جانب محمد صبحي اللى تطور مستواه جداً فى وجود محمد عبد المنصف.
فى ناس مستنية الزمالك يخسر علشان تهاجم المدير الفنى وخلاص، انا بقولكم لسه، الزمالك عنده كتير علشان يقدمه فى وجود أوسوريو.
محدش يحاول يوقع بينى وبين مرتضى منصور، لان فى ناس تاعبها التقارب دا أوى، ومفيش حاجة بتتم الا بعد التنسيق معاه.
