كشف الإعلامي عماد دربالة عن تجهيزه لصفقة قوية يسعى إلى تواجدها في نادي الزمالك قادمة من الدوري الإنجليزي.
وتحدث دربالة أنه لا احد يعرف اسم الصفقة سواه هو وميدو، وأنه هداف كبير ويلعب في أربعة مراكز.
استكمل أن الصفقة كانت في طريقها الى الأهلى أو بيراميدز، ولكنه نجح في تحويلها الفترات الأخيرة الى الزمالك.
عماد دربالة عبر حسابه على موقع التواصل الاجتماعي فيسبوك تحدث قائلا:
يا زمالكاويه.الزمالك ماليا اعلن ان مافيش فلوس يأجروا اتوبيسات ترجع الاعضاء من المصيف.واداريا ما عرفناش نقنع اولاد النادى اللى لسه متصعدين من الناشئين بالتجديد واللى هم اصلا اولاد اتنين من رموز النادى.
وتابع: خد بقى الحته الحصرى جدا دى.انا عارض على الزمالك من خلال وكيل كبير لاعب عالمى هييجى من البريميرليج لاعب دولى وهداف وبيلعب فى اربع مراكز وموافق ومنتظر رد الزمالك وميدو بيحاول يتصرف فى الفلوس واسم اللاعب ماحدش يعرفه غيرى انا وميدو وما قولتش ولا هقول الاسم لاى حد.كلام جد جدا وصفقه لو خلصت ولا تقولى بن شرقى ولا غيره بس قولوا يارب.النادى فى ازمه والمفروض يعمل صفقات كبيره.اهدوا وادعوا يقدروا يتصرفوا.
وواصل:الوكيل اما كلمنى من لندن كان عاوز يتواصل مع الاهلى او بيراميدز وانا وميدو اللى حولنا مسار الصفقه للزمالك اقسم بالله.انا مسؤل عن كلامى امام الله.
واختتم: ماحدش يسالنى عن اى تفاصيل من داخل النادى لان المستشار رفدنى من المنظومه ومش بدخل النادى.انا قولت اللى اعرفه وبس.وكلامى لتخفيف الضغط عن الناس اللى شغاله فى ظروف صعبه.
