حسم أحمد حسام ميدو نجم الزمالك الاسبق، الامر بخصوص إمام عاشور لاعب الفريق السابق، ولاعب فريق ميتلاند الدنماركى الحالى.
حيث اكد أنه تواصل مع مسئولين فى نادى ميتلاند الدنماركى، وأكدوا له أن اللاعب وقع للنادى الاهلى منذ 4 أيام والامور انتهت.
وواصل فى فيديو بثه عبر موقع التواصل الاجتماعى انستجرام منذ قليل :
امام عاشور بيعمل حاجات غريبة جداً، امبارح اتوالص مع نادى الزمالك وقال أنه مستعد يرجع بس الزمالك يتحرك ويخلصنى من ميتلاند الدنماركى.
وعرفنا كمان انه بيتواصل مع مسئولى بيراميدز فى الايام الاخيرة، انت بتعمل كدا ليه وانت موقع للاهلى.
مش عارف هو بيعمل كدا ليه، عايز يثبت حاجة لنفسة مثلاً، عموماً الزمالك مش بيتعلب بيه، واحنا مش صغيريين علشان نصدق الحركات دى.
وعاد وأكد ان الامور منتهية واللاعب فى الاهلى، واللى بيعمله دا علشان يقول لجمهور الزمالك انا عملت اللى عليا والزمالك لم يفعل شيء لعودتى.
وعن فكرة تواجد اللاعب بعد قيامة بسب الاهلى ورموزه من قبل قال : أمر يخص الاهلى ومش هعلق عليه.
