علق الملحن عزيز الشافعى، على نتيجة مباراة القمة بين الزمالك والاهلى والتى انتهت منذ قليل بكل اسف بهزيمة الزمالك.
المباراة التى إنتهت بكل اسف بهزيمة الزمالك برباعية مقابل هدف، فى اللقاء الذى أقيم على أرضية ملعب استاد القاهرة، ضمن الاسبوع الـ 31 من عمر مسابقة الدورى العام.
وعبر صفحته الشخصية على موقع التواصل الاجتماعى تويتر كتب عزيز الشافعى قائلا :
نتيجه طبيعيه جدا
فرق مستوى كبير و واضح
فرق كوالتي لعيبه كبير جدا و كإن بطل الدوري بيلاعب فريق في منتصف الجدول
الفرق ده مش بس بسبب فرق الامكانيات الماديه و فرق الميزانيه الكبير بين الناديين
ده صح لكن زود عليه كل الاخطاء الاداريه و الفنيه و التخلي عن اعمدة الفرقه و تفكيكها
و السبب الأهم اننا نادي قيمته في نظر المسئولين عن الرياضه المصريه ماتليقش بقيمته التاريخيه ولا بالملايين اللي بتشجعه
ف بيتفرج علينا المسئوليين عن الرياضه و احنا نادي تم عزل رئيسه و ف نفس الوقت لم يتم عزله و محدش عارف مين المسئول دلوقتي و مين بيخطط للموسم الجديد و مين هيقبل يعمل عقد رعايه لنادي مالوش صاحب
و سايبين النادي ده كإنه مركز شباب صغير و يمكن لو مركز شباب كانوا حلوا مشاكله و وفقوا اوضاعه القانونيه ف وقت اسرع من كده
