علق رضا عبد العال لاعب القطبين الاسبق، على هزيمة الزمالك منذ قليل من النادى الاهلى، برباعية مقابل هدف، وعلى الوضع العام فى نادى الزمالك.
حيث أرجع ما يحدث للزمالك، الى مجلس الادارة الحالى، والى مرتضى منصور، متهماً إياهم بأنهم سبب ما يحدث للزمالك.
وقالها صريحة بكل وضوح : مرتضى منصور سبب ما يحدث للزمالك، فهو سبب رحيل اللاعبين، وجماهير الزمالك لازم تعرف الوضع.
ووجه سؤال الى منصور : قائلاً : حضرتك فين وإبنك فين، أنتم فين من اللى بيحصل للزمالك، مجددتوش ليه لسيف جعفر وأسامة نبيه.
أنتم كنتم عارفين انهم رايحين لبيراميدز، بس حبيتوا تصدروهم للجمهور.
وعن مصطفى فتحى وإمام عاشور قال : ما المصلحة فى تطفيشهم، وايه الاستفادة من انتقاله للاهلى، غير العمولة اللى هيأخدها الوكيل.
والى مرتضى منصور قال : ازاى تطلع تقول دا لاعيب مكانش لاقى يأكل، ودا كان جاى بشبشب، مفيش مسئول ينفع يقول كدا، مين لاعب كرة كان مليونير قبل ما يلعب كورة.
وأتم : الكل كان على قد حاله، قبل ما يلعبوا كرة القدم.
