علق الاعلامى عمر أديب على الوضع الحالى فى نادى الزمالك، والذى يشهد حالة من عدم الاستقرار على كافة المستويات فى الفترة الاخيرة.
عمرو أديب وعبر برنامجة التلفزيونى قال : تواصلت اليوم مع أحد الشخصيات، وتحدثت معه حول نادى الزمالك، الذى يعانى من حالة تدهور.
الراجل وهو شخص محترم يعنى قالى ياعم أحسن يشتمنى .. ليتحدث عمرو أديب متعجباً يشتمك ..
ناس كتير كلمتها والكل خايف يتشتم، ويتقاله أبوك وأمك، حتى أحمد دعبس عضو مجلس الادارة المستقيل، رفض يتكلم أحسن يتشتم، ويسمع كلمتين.
يا جماعة ريحوا نفسكم هو هيفض قاعد وموجود وسيقوم بتعديل اللائحة، علشان يفضل فى مكانة، وانا زهقت كلام فى القصة دى، ومحدش عايز يتحرك.
وواصل : عمركم شفتم رئيس نادى بيطلع يشتم اللاعبين ويقولهم كنتم جايين بشبشب، ما لازم أى لاعب يبقى عايز يمشى، ولاعبين تفكر قبل ما تيجى الزمالك.
وأتم : كله بيتفرج على الزمالك وهو بيتدمر، ومحدش عايز يتدخل وينقذ الزمالك، وبالشكل دا حتى الوصيف اللى كنا بنأخده مش هنأخده
