أكد مرتضى منصور انه حين يتواجد فى مجلس الادارة لا أحد يقف بجواره وبجوار النادى على عكس اللجان المعينه التى كانت تأتى لادارة النادى..
وأشار الى أنه وهو موجود يتم عزله وتجميده والحجز على أرصدة النادى، بينما فى وجود اللجان يكون هناك تسهيلات مالية كبيرة، حيث الشركة الراعية تعطيهم 100 مليون بكل سهولة، ويتم التسهيل لهم للحصول على قروض.
قناة الزمالك وقتها اللى مكنش حد بيشوفها كان فيها 14 اعلان، ودلوقتى وهى اعلى نسبة مشاهدة مفيش ولا اعلان فيها، اشمعنى انا اللى بيحصل معاه كدا.
وواصل : الجمهور عايزنى اتعاقد مع بن شرقى وامام عاشور، طب ازاى وانا محجوز عليا من شخص خانق النادى.
الناس بتتهمنى انا وولادى انى بحصل على سمسره، طب ازاى وانا متبرع للنادى بـ 30 مليون جنية قبل كدا، هأخد سمسرة مليون ولا 2 مليون.
وأتم : لاعيبة الاهلى بعد القمة خدوا شنط فلوس مكافات، لانه مش محجوز على الاهلى، انما انا اللاعبين مخدتش فلوسها بقالها شهور والمدير الفنى بقاله شهرين لم يحصل على راتبه.
