تأكيداً لما أوضحه لكم الزمالك اليوم بخصوص ما قيل أن محمد عبد الشافى لم يعلن اعتزاله كما تردد منذ ساعات.
وكما أوضحنا لكم فى خبر منذ قليل بأن هناك محاولات معه كى يتراجع عن هذا القرار، من قبل بعض زملائه وبعض أفراد الجهاز الفنى.
طالع من هنا ..خاص الزمالك اليوم : محاولات مع محمد عبد الشافى
طالع من هنا ..خالد الغندور يفجر مفاجاة بخصوص إعتزال محمد عبد الشافى
اكد الناقد الرياضى عمرو جاب الله على نفس الحديث عبر صفحته على موقع التواصل الاجتماعى فيس بوك حيث كتب :
- مبدئيًا محمد عبد الشافي مش مستغرب من التصريحات اللي نزلت عن اعتزاله لأن عبد الشافي وافق على إجراء وكيله مداخلة مع جمهور التالتة عشان يتكلم عن الاعتزال فبالتالي هو مش مستغرب من حاجة لأن ده قراره اللي بلغ النادي بيه وعلى ضوءه إدارة الكرة في النادي تواصلت معاه لتكريمه..
مسألة التراجع عن الاعتزال قصتها أن عبد الواحد السيد مدير الكرة وعدد كبير من لاعبي الفريق وبالتأكيد على رأسهم شيكابالا اتكلموا مع عبد الشافي خلال تواجده مع بعثة الفريق في السعودية أن الفريق محتاجه موسم كمان وإنه يكون موجود خلال مرحلة بناء فريق جديد وإنه هيكون إفادة في خطة أوسوريو لو هيلعب في الـ3 اللي في خط الدفاع وأن الطريقة تساعده إنه يكمل موسم وإتنين..
عبد الشافي قال إنه ميقدرش ياخد قرار زي ده ويتراجع عن الاعتزال إلا لو كان قادر يفيد الفريق فعلاً مش كلام، الموضوع بالنسبة لعبد الشافي مش فلوس زي ناس كتير وبالتالي لو مش هيفيد الفريق هيكمل على قراره بالاعتزال ولو هيقدر يقدم إضافة هيدرس الموضوع مع إدارة الكرة وقتها وياخد قرار نهائي فيه.
- بالمناسبة صحيح وفقا لموقع الزمالك الرسمي "عبد الشافي غير متواجد في قائمة الفريق بالبطولة العربية وبالتالي هو اعتزل إلا لو اقتنع خلال الفترة المقبلة بآراء المتواجدين في الفريق"
