أبدى مرتضى منصور، غضبة من حكم مباراة الزمالك والشباب السعودى الحكم الليبي عبدالواحد حريويدة.
حيث أكد أن الزمالك ينتهى من الظلم التحكيمى فى مصر، ليذهب الى السعودية ليجد الظلم التحكيمي هناك.
عندنا لاعيبة أبطال والعالم كله، شاهد مهزلة اليوم التى حدثت، وتقدمنا بإحتجاج رسمي ضد الحكم ومنتظرين نتيجة هذا الاحتجاج.
الحكم دا كان ماله سخ علينا ليه كدا، وأتمنى اللى حصل لا يحدث فى مباراة النصر، وكلنا ثقة فى لاعيبة الزمالك.
الجميع أجمع على عدم صحة ركلة الجزاء التي أحتسبت ضدنا، وانت ياخالد ياغندور طالع عمال تزق فينا وتقول لها ما لها وعليها ما عليها، علشان انت فى القناة السعودية.
المذيع كان مقرف، مش بقولك جامل الزمالك، لكن إدى الزمالك حقه، لكن انت كنت بتتفرج على ماتش تانى فى حتة، تانية.
عمال طول الماتش تدوس على الزمالك، من حقك تمجد فى فريق الشباب، لكن مش من حقك تيجى على الزمالك.
عايز أعرف المقايس اللى يتم قياس عليه مستوى الفرق، بص الزمالك عمل كام هجمة، وبص على كورة زيزو فى العارضة، وبص على سيف الدين الجزيرى، اللى انضرب فى باطنه، شوف بنظارة الحياد والاحترام، وكان ممكن مكملش الماتش لولا احترامي للسعودية.
اليوم قلت لأحمد أحمد مجاهد مدير تنظيم البطولة، النهاردة بداية أن البطولة تبوظ، السعودية صرفت كتير، لكن التحكيم سيء جداً.
