رد اللاعب أحمد عبد القادر لاعب فريق النادي الأهلي على أحد الصفحات الأهلاوية التي تنتقد مستواه خلال الفترات الأخيرة.
وذلك عقب مباراة الأمس أمام المصري والتي انتهت لصالح الأهلي بهدفين لهدف في ربع نهائي كأس مصر والتأهل إلى نصف النهائي.
أحمد عبد القادر رد بعنف وقوة على تلك الصفحة وعلق ، عبر حسابه الرسمي على موقع التواصل الاجتماعي "فيس بوك": "جمهور الأهلي أكبر منك يا شويه هايفين ياللي بتقبضو الفلوس علشان تعللو ده وتوطو ده، أنا موسم كامل ساكت مفتحتش بوقي ومش هفتح بس فيه وقت لازم تتقو ربنا فيه جو الأدمن بتاعكو والفلوس اللي بتتوزع عليكو وقدام عيني".
وتابع أحمد عبد القادر هجومه: "حد عرض عليا أعمل حملات هجص ولقطه وهنعليك وهنخليك في السما دا مش عندي أنا ربنا بيكرمني علشان أنا عارف أنا بتعب إزاي وهفضل طول عمري شريف مش بتاع ألف وألفين جنيه ابيع بيهم كرامتي بلاش أنتو علشان أنتو لا تمسو للنادي الأهلي".
واختتم: "بأي شئ النادي الأهلي أكبر نادي في العالم مش في مصر واللي أنتو عاوزينو ده مبعملوش والإجازه يا أنا يا صفحاتكو اللي كلها نفاق ورشاوي وبقولها لأخر مره، أنا بتاع شغل مش بتاع رشاوي ولو أنتو فعلا عندكو ذره ثقه وقلبكو كان جايبكو مكنش البوست اتمسح بعد ساعه علي طول بس أنا اللي هنزله صباح الفل".
