واصل أحمد حسام ميدو نجم الزمالك السابق تصريحاته المُثيرة عقب رحيل مرتضى منصور عن إدارة الزمالك الحالية.
ميدو عبر حسابه على موقع التواصل الاجتماعي تويتر تحدث قائلا:
الزمالك في مفترق طرق من السهل جدا علاج مشاكل الفريق الواضحة للجميع و التعاقد مع ٤ لاعبين والابقاء على أوسوريو سيجعل الفريق منافسا قويا على كل البطولات الموسم القادم.
و تابع : أليات التنفيذ صعبة ومحبطة ، النادي غرقان في الديون ومحاولة تنفيذ اي شئ على أرض الواقع قد تكون مستحيلة!! اذا لم تتدخل الدولة لانقاذ الزمالك فأتوقع موسم كارثي جديد في كل الألعاب..
و واصل : يعلم الله اني أحاول كل يوم علاج مشاكل النادي ولكن اول مرة في حياتي الاحباط يتملك مني بهذه الدرجة انا بطبعي شخص متفائل وإيجابي ولكن الوضع الذي وصل اليه الزمالك يكسر اي حد!! امبارح طول اليوم بحارب مع المسؤولين في اتحاد الكورة علشان نفتح القيد للناشئين والحمد لله نجحنا في فتح القيد وروحت حاسس اني عملت معجزة رغم ان المفروض ده اجراء طبيعي يتعمل في ٣ دقايق!!
واستكمل : بقالي شهر مجهز عقد المدير الفني السويسري لقطاع الناشئين راجل هيوفر علينا ملايين وهيخلي الزمالك عنده مشروع حقيقي لكرة القدم للاسف مفيش حد راضي يوقع العقد!! ده مثال بسيط للي بيجرى كل يوم!! لازم الدولة تتدخل في أسرع وقت..دي شهادتي قدام ربنا لجمهور الزمالك.
وتحدث أيضا عن مرتضى منصور قائلا:
احسن حاجتين حصلوا للزمالك في اخر ٤ شهور ان احنا الحمد لله نجحنا ان احنا نجيب مدرب كبير، وان مرتضى منصور كان عنده الشجاعة انه يمشي وماكابرش حتى لو متأخر!! دلوقتي ناقص حاجه واحده ان المجلس ده يستقيل فورا.
