انتقد محمد رمضان هتلر لاعب الفريق الاول لكرة اليد بنادى الزمالك ما يحدث فى نادى الزمالك من أزمات طالت جميع الفرق الرياضية ومنها فريد اليد.
فريق اليد المهدد بعدم المشاركة فى البطولة العربية بسبب عدم سداد مستحقات المدرب الأسباني ماثيو جارالدا المدير الفني السابق للفريق.
الاتحاد المصري في خطابه منذ قليل للزمالك، أكد أن الاتحاد الدولي يُحذر الزمالك من عدم السداد خلال أسبوعين من تاريخه.
طالع من هنا .. خطاب رسمي يهدد الزمالك بعدم المشاركة في البطولات الخارجية لليد
محمد رمضان هتلر انفجر عاضباً حزيناً على ما يحدث للزمالك، حيث كتب عبر صفحته الشخصية على موقع التواصل الاجتماعى فيس بوك :
أنا مش قادر أسكت على اللي بيحصل فى النادى اللي بحبه وبعشقه واتمنيت ألعب فيه وكان ليا الشرف إني أمثله وارفع رايته فوق وعلى منصات التتويج.
اللي بيحصل فيه كتير وكتير جدا، فرقة الكوماندوز عندها بطولة عربية لغاية وقتنا هذا مش عارفيين هيطلعوا ولا لا، عقود مش معتمدة تقريبا الفرقة كلها ما اتسجلتش وكل فرق النادي على هذا النحو الناس اللي مسئولة عن الرياضة ساكتين ليه مقيدين الإيدى ليه بدون مبرر.
رموز النادى الكبار جدا ساكتين ليه على حال النادي الناس كلها لازم تتحرك الناس اللي بتحب النادى من قلبها لازم تتحرك النادى بقا دولة طالعة من حرب منهار تماما على كل الأصعدة وكله بيتفرج عليه مستنى ينتهى مثلا.
أنا بناشد اللجنة الأولمبية وزير الرياضة الاتحادات الرياضية جميعا رموز النادى الكبار وكبار جدا يقدروا يغيروا الواقع بعد فضل الله عز وجل عشان مصلحة مصر نادي الزمالك قلعة رياضية كبيرة وتقريبا ٥٠٪ من لعيبة المنتخبات من نادى الزمالك لازم نتحرك ومن دلوقتي رجاء.
