أعلن مرتضى منصور عن انعاشة مالية حدثت لخزينة نادى الزمالك خلال الساعات الماضية.
حيث اعلن ان مبلغ ما يقدر 534 الف دولار دخل خزينة النادى، وتم استغلاله لحل عدد من الملفات والازمات المالية الموجودة.
وأكد أن المبلغ المذكور ساهم فى تسجيل اللاعبين فى إتحاد الكرة المصرى اليوم، والا أصبحوا لاعبين "فرى".
وأوضح : اعطيت اتحاد الكرة أموال الحكام والكارنيهات والمنشطات، لان دى مبالغ لازم تندفع، وحولت 30 مليون ليهم علشان أسجل اللاعبين.
كل الاندية بتشتكى محمد مصيلحى فى الاتحاد السكندرى، وادارة المصرى، ودول مش محجوز عليهم والدولة بتساعدهم، انما انا محجوز عليا ومع ذلك بنتصرف.
بنحاول دلوقتى ندبر كل فلوس ومستحقات اللاعبين المتأخرة علشان نحل اكبر عدد من الازمات.
بالنسبة لملف أتشيمبونج كنا بنحولها انهاردة، والبنك رفض سألت عمرو الجناينى، ورئيس اتحاد بنوك مصر وقولت لهم شوفوا لنا حل.. ونفس الشى أموال رعاية ابراهيما نداى لوادى دجلة جاهزة وموجودة.
مرتب أوسوريو جاهز، وانا اللى حاشرنى فى الزمالك، انى محب للكيان.
