أكد مرتضى منصور أن كل ما فيه نادى الزمالك بسبب لجنة حسين لبيب التى تسببت فى كوارث للنادى على حد قوله.
وأكد أن الضرائب تطالب باموال بسبب لجنة حسين لبيب، واحنا بنحارب هنا وهنا بسبب الحجز اللى حاصل من ممدوح عباس.
وأعرب عن غضبة مما يحدث للزمالك، قائلاً يا جمهور الزمالك لو حد تانى فى مكانى كان ولع فى أى حاجة قدامة من اللى بيحصل.
وطلب منصور من شيكابالا التدخل والتوسط لدى ممدوح عباس لرفع الحجز عن النادى.
انا قولت قبل كدا لـ أيمن يونس وحسن شحاته وفاروق جعفر ومعاهم شيكابالا، روحوا لممدوح عباس وقولوا يرفع الحجز عن النادى.
المفروض شيكابالا يروح لممدوح عباس ويقوله فك الحجز ندفع غرامة لشبونة اللى انا السبب فيها علشان شكلى فى النادى، وبعد ما ندفع غرامة لشبونة ارجع احجز تانى.
يا جماعة انا تعبان وبأخد علاج، وحاجة سهلة أوى أقولكم انا ماشى ومسافر ومليش دعوة، لكن دا نادى له ملايين المشجعين، ولازم كل شويه أطلع وأوضح.
