علق مرتضى منصور على حالة الغضب التى تسود أعضاء الجمعية العمومية بالنادى، بسبب غلق النادي في توقيت مبكر.
منصور أكد أن البعض يهاجمنى، ويهدد بإقتحام النادى، بسبب هذا الامر، وانا ليس لى علاقة بالامر، لان الامر قرار من رئاسة الوزراء المصرية فى إطار خطة ترشيد الاستهلاك.
فى ولد فى النادى عمال يجمع توقيعات ويحرض الاعضاء علشان محدش يدفع قيمة الضريبة، انا عرفته وحذرته وقولت له ان دا ضد القانون، وطلع دافع الضريبة بالكامل.
النادى بيقف الساعة 10 وقناة الزمالك بتقفل الهواء الساعة واحدة علشان الترشيد، وانا مليش دعوة بالأمر دا، ومع ذلك الناس بتهاجمنى، انا مشيت خلاص عايز منى ايه.
أنا مجرد رئيس شرفى، ورئيس لجنة الاشتراكات .. وفى اعضاء من النادى مقدمين انهم ممنوعين من دخول النادى، منهم اسم طول النهار والليل بيشتم فى جيش مصر جوا النادى.
خدته من قفاه وطردته لان الموضوع مش فوضى، فى ادارة محترمة بتدير النادي، والإدارة دة ادارة قوية ومجلس محترم، مش ضعيف، وهما أقوى منى مش انا اللى مقويهم زى البعض ما بيقول.
فى قرار من رئاسة الوزراء بغلق النادى الساعة 10، ودا قرار انا مليش دعوة بيه، يقوم البعض مهدد باقتحام النادى..
