علق أحمد عيد عبد الملك نجم الزمالك السابق على الجدل الحالي بشأن مصير اللاعب أحمد السيد زيزو لاعب نادي الزمالك.
خاصة عقب عرض الشباب السعودي وما صاحبه من جدل إعلامي ما بين تفكير ادارة الزمالك، وما بين بيانات رسمية تنفي فكرة التفريط في اللاعب.
وكتب أحمد عيد عبد الملك عبر حسابه على موقع التواصل الاجتماعي تويتر قائلا:
انا معنديش حاجة اقولها لزيزو الصراحة عمل كل الي عنده للنادي من وقت دخوله غير ان ربنا يوفقه وطبعاً كنت اتمني يكمل مسيرته مع النادي الي يهمني اكتر من زيزو وغيره ..
وتابع: بس المشكلة انك مش هتعرف تعوضه زي ما حصل ومعوضتش طارق ومصطفي محمد ومصطفي فتحي وفرجاني وامام وبن شرقي والدور جه علي زيزو اهو وبعديه فتوح والونش وغيرهم كل ما هيظهر لاعب يسندك مبتحافظش عليه
واستكمل: والصراحة معنديش ثقة في حد موجود حالياً يخطط للنادي بالمبلغ الي داخل ده الي هو المفروض يحل كل حاجة عندك !! الكرة بالنسبة للزمالك او اي فريق بيلعب علي بطولات مش استثمار وخصوصاً في مصر محدش بيكسب منها كله بيخسر الا بعض الفرق المؤسسات الناجحة الي بتصدر للانديك لاعيبة ..
واختتم: وكل ما هتعمل لاعب علشان تبني عليه جيل يجيلك فيه فلوس تبيعه يبقي انت مش عاوز بطولات اصلاً يبقي هتفضل الحالة تتدهور بتاريخك لحد ما توصل ان ترضي انك بتنافس من بعيد وخلاص ..
ارحمو نادي الزمالك وجمهوره !!
