علق هيثم عرابي مسئول التعاقدات السابق بالنادي الأهلي على ما يقال عن عدم وجود عقد امام عاشور لاعب الزمالك السابق، والخاص ببيعه لنادى ميتلاند الدنماركى.
حيث قيل ان عقد بيع اللاعب الى ميتلاند غير موجود، فى النادى، ليتحدث هيثم عرابى عن الامر، ويشرح كيفية الوصول للحقيقة.
وعبر صفحته الشخصية على موقع التواصل الاجتماعى فيس بوك كتب هيثم عرابى قائلاً :
لو فعلًا تم اختفاء عقد بيع إمام عاشور لميتلاند من الزمالك و ان الفلوس لم تدخل خزينة النادي زي ما بيتقال فاللجنة الثلاثية الموجودة حالياً كل اللي محتاجة تعمله انها تجيب الاداري اللي ماسك السيستم بتاع الزمالك وفي حالة ان الراجل دا مش موجود او مشي او مش عارفين يستلمو السيستم منه
يخاطبو الفيفا رسمي بتغيير اسم المستخدم وكلمة السر ويدخلو على السيستم وكل اسئلتهم حيلاقو الاجابات عليها في المستندات المرفوعة على السيستم.
اولآ:- إمام عاشور انتقال دولي يعني اوراق الانتقال تم رفعها على TMS وبيانات الانتقال بالتفصيل ومقابل الانتقال وطريقة ومواعيد السداد بتكون موجودة ومعاهم العقد الموقع
– النقطة الثانية من أول السنة دي الاتحاد الدولي استحدث منظومة اسمها FIFA CLearing House ودي دورها مراقبة التعاملات بين الاندية لضمان شفافية المعاملات المالية من خلال الزم الاندية الشارية في الحالة دي ( ميتلاند ) انه يبعت اثبات انه بعت الفلوس برقم الحساب الباعت منه لرقم الحساب للمتلقي ( الزمالك) كل دا موجود على السيستم .
– الحل بسيط ياجماعة …. مسؤول ال TMS في نادي الزمالك ينزل المستندات من على السيستم و حيكون متسجل فيه رقم حساب اللي تم التحويل ليه
