علق أحمد عيد عبدالملك نجم الزمالك السابق على أجواء انتخابات النادي الحالية قبل غلق باب الترشيح بعد غدا الأحد من أجل خوض الانتخابات يوم 20 أكتوبر.
أحمد عيد عبد الملك رفض الأجواء المبلغ فيها من المداخلات والحب والورود بين المرشحين، مؤكدا انه شئ جميل.
ولكن اذا كان الأمر هكذا لماذا لا يتفق الجميع على قائمة واحدة لخوض الانتخابات من أجل إبعاد الزمالك عن دائرة الصراعات.
حيث كتب عبر حسابه على موقع التواصل الاجتماعي تويتر قائلا:
انا مش حابب اتكلم علي انتخابات الزمالك خالص ودي اول واخر مرة هقول رأيي فيها وشايف ان كل واحد من حقه يعمل الي عاوزه ينزل او مينزلش دي بتاعته ..
وتابع: لكن جو المداخلات والورد والحب الي قدام الناس ده شو بس مبيأكلش عيش بالبلدي كدة وعلي فكرة هو انا مبقولش ان ده غلط لكن مش وقته حالياً الاولي ان حد يضحي للتاني ويقف في ضهره احنا اصلاً مش في جو طبيعي ..
واستكمل: وطالما الكل بيعمل علي مصلحة الزمالك كما يقال اتفقو علي قايمة موحدة تخدم النادي الفترة دي وتقدر ترجع النادي لمساره الصحيح في اصعب فترة في تاريخ النادي وقايمة موحدة تكسب انتخابات ويشوفو حال النادي الي هو صعب علي اي حد هيقعد علي الكرسي وعنده هم ما يتلم احنا مش عاوزين ناس تيجي تتصور عاوزين ناس تيجي تشتغل وتغير كل حاجة في النادي حرفياً يعني مش حمل خلافات داخلية ان واحد نجح من قايمة والتانية من قايمة ونخش في صراعات اراء ونلف في الدايرة الي احنا فيها من ٢٠ سنة لو بتحبو النادي بجد اتفقو علي الاصلح ما بينكم خلينا نعدي فترة المشاكل بهدوء ونخلص من الي ورانا ..
الزمالك دايماً للمخلصين فقط
