شنت الاعلامية نيرة الاحمر هجوم عنيف على الاتحاد المصرى لكرة اليد بسبب التعنت الواضح ضد نادى الزمالك فى مسألة قيد اللاعبين.
نيرة الاحمر العائدة الى شاشة قناة الزمالك بالامس وبرنامج ملوك الصالات عبرت عت غضبها وحزنها من هذا التعنت الغير مقبول والغير مبرر ضد الزمالك.
واعتبرت نيرة الاحمر ان مخا يحدث ضد الزمالك جريمة مكتملة الاركان، قائله .. الكلمة مش تقيله .. هى جريمة فعلاً.
ووجهت سؤال الى الاتحاد المصرى لكرة اليد، ليه بتحارب الزمالك فى التوقيت دا، ليه عاوز توقعه واحنا داخلين على بطولة افريقيا، فريق يد الزمالك التاريخ شاهد على بطولاته.
الزمالك فى مرحلة صعبة ومعندوش مجلس ادارة واللجنة الحالية متقدرش تدفع 8 مليون جنية مرة واحدة، لان أزمات النادى كثيرة.
ازاى أديك 8 مليون جنية وهما عندهم هموم قد كدا وبعدين انا أثبت حسن نيتى وسددت 2 مليون من أصل 8 مليون .. الاتحاد يقولك لا عاوز الـ 8 كلهم.
مش معقول كيان كبير زى الزمالك تتم معاملته بالطريقة دى، فلوسك مش هتروح .. انت كنت مرن مع المجلس السابق، المفروض تكون مرن معايا دلوقتى وفى ظروفى دى أكثر.
