انتقد هشام نصر ابراهيم نجل نجم الزمالك تحالف أحمد سليمان بالأمل مع حسين لبيب في قائمة واحدة لخوض انتخابات نادي الزمالك.
حيث كان من المفترض أن يخوض هشام نصر ابراهيم الانتخابات على قائمة أحمد سليمان ولكنه فوجئ بتراجع الأخير وتخليه عن قائمته .. وفقا تصريحات نجل نصر ابراهيم.
حيث كتب هشام نصر إبراهيم عبر حسابه على موقع التواصل الاجتماعي تويتر قائلا:
بهدوء وبكل احترام، قايمه بنشتغل عليها من اسماء ناس محترمه علي راسها الكابتن احمد سليمان، والغريب مفيش شغل انتخابات خالص، كل يوم مكالمات مع الكابتن أحمد علي الإشاعات اللي بتدور بخصوص قايمه واحده، يقولي مفيش الكلام ده، انزل مع مين احنا هنشتغل احنا يوم السبت، كان معاد تقديم القايمه منها الكابتن احمد سليمان والكابتن الحسيني سمير و مروه الرفاعي والاستاذ مصطفي بدوي مع وجود الاستاذ هاني العتال كا نائب مستقل و سامح الخوانكي و محمد اسامه
وتابع: وانا داخل اللجنه أقدم اوراق الترشح، بتليفون ان خلاص خلينا ورا النادي وقايمه واحده قلت تمام اكيد النادي اهم و احنا مش في وقت صراعات .. اتفاجئ بعدها ب بيان متحضر من الكابتن احمد سليمان ونزوله في قايمه كابتن حسين لبيب عكس تماما كلامه معانا ” مع اني فضلت ٥ ايام بقوله قولي لو في حاجه و انا اصلا عندي المعلومه”.
وواصل: “الكابتن احمد سليمان شاف مصلحته و دي حريه شخصيه بس شافها علي حساب ناس كان في اتفاق معاهم و قرر ينزل عضو و دي برده حريه شخصيه و هو حر في اتفاقاته و كل حاجه .. اعتقد مفيش ما يمنع من اني ارجع في كلامي و اترشح علي كرسي الشباب كا واحد من ابناء النادي و ابن كابتن كباتن النادي ولست دخيل علي النادي”.
