فى تصرفات غير مفهومة وغير مبررة وغير مقبولة تدل على أن هناك شيء ما يحدث ضد الزمالك.
رفض الاتحاد المصرى لكرة اليد تسليم نادى الزمالك كل الكارنيهات الخاصة بلاعبى فريق يد الزمالك، حتى يتمكنوا من المشاركة.
اتحاد اليد حصل على 4 مليون جنية كاش ،، 2 مليون من الزمالك اول أمس ،، و2 مليون جنية منذ قليل من السيد هانى العتال المرشح فى الانتخابات الحالية للزمالك.
اتحاد اليد حتى الان يرفض تسليم كل الكارنيهات وأكد أنه سيحتفظ بـ 5 كارنيهات من كارنيهات اللاعبين حتى يتم سداد الـ 4 مليون المتبقية، فى تصرف حقيقى غير مفهوم.
وتبقى كلمة : يا جماعة هو نادى الزمالك دا هيهرب بالـ 4 مليون برة البلد، يعنى هتصحوا الصبح تلاقوا النادى مش موجود وصفى أعمالة وهرب وضحك عليكم فى الـ 4 مليون.
هو فى ايه يا جماعة .. ما شوية مرونة علشان المركب تمشى .. وانت ضامن حقك وخدت نص حقك دا كاش .. أليس فيكم رجل رشيد يقول اللى بيحصل دا عيب وميصحش.. دا حتى مش شغل ادارى ولا شغل ناس عارفة أصول الادارة.
دا البنوك اللى هى البنوك حينما يتعثر عميل فى سداد قرض، ويقوم بتسديد أى مبلغ بيتم جدولة الباقى، وبيعتبروا ان دا حسن نية من العميل، قوم اتحاد اليد بيعمل مع الزمالك كدا..
