عبر حازم امام لاعب الزمالك الاسبق، وعضو الاتحاد المصرى لكرة القدم عن حزنه بعد هزيمة منتخب مصر منذ قليل من منتخب تونس.
هذا اللقاء الذى انتهى بهزيمة منتخب مصر بثلاثية مقابل هدف، ضمن الاطار الودى ومعسكر شهر سبتمبر الذى انتهى.
وفى تصريحات تلفزيونية له قال حازم امام : خسارة تزعل أى حد ودا مش مستوانا وهنا لازم أشكر اللاعبين، والمؤكد انهم لسه مش جاهزين، احنا لسه فى فترة الاعداد.
الاجواء المحيطة بالمعسكر دا مكنتش طبيعية من قبل حتى ما يبدا، اللى بقى يقول معسكر ملوش لازمة وملف لاعبى الاهلى.
اللى بأكد عليه والحديث على لسان حازم امام ان ما حدث فى هذا المعسكر لن يحدث فى المعسكرات القادمة، لان الفترة الجاية صعبة وعندنا تصفيات كأس العالم، وعندنا بطولة الامم الافريقية.
الاهتمام هيكون بالمنتخب اكبر بكتير، لاننا خلاص مبقاش عندنا وقت لاى تجارب جديدة، واحنا ايدنا مع كل الاندية للصالح العام، لكن منتخب مصر فى المقام الاول.
من حق الناس تقلق طبعاً، والظروف مكنتش طبيعية، وعندنا أزمة فى الدفاع بغياب الونش وحجازى، اللى فى الغالب مش هيلعبوا بطولة الامم الافريقية.
