كشف محمد رمضان هتلر لاعب الفريق الاول لكرة اليد السابق، عن دعمة لقائمة حسين لبيب فى انتخابات تادى الزمالك القادمة.
هذه الانتخابات المقرر لها يوم 20 أكتوبر القادم، اى بعد حوالى شهر من الان، لاختيار مجلس ادارة جديد يقود النادى فى المرحلة القادمة.
وعبر صفحته الشخصية على موقع التواصل الاجتماعى فيس بوك كتب محمد رمضان قائلاً :
كل الدعم والتاييد ليكم وشهادتى فيكم مش مجروحة شهادتى فيكم عن عشرة وعن حق وكل الناس اللي تعرفنى تعرف كويس انى ما بكلمش غير الحق وما بيعجبنيش الحال المايل وبقولها من دلوقتى انا ولا عاوز حاجة من اى حد فيهم ولا تاييدى ليكم غير انى شايف انكم انسب ناس فى الوقت الحالى.
وقبل كدا كمان وانا بشهد شهادة حق وبعرف الناس اللي ما تعرفش القائمة الموحدة بتضم اشرف وانضف واجدع ناس انا عاشرتهم فى حياتى وبيعملو لصالح النادى من ساعة ما دخلت النادى وما كانش هممهم كرسى ومن وجهة نظرى ومن عشرتى ليهم ومن الواقع اللي عشته معاهم.
الناس دى بتحب النادى من قلبها وعاوزة تعمل اي حاجة للنادى ولو هما فارق معاهم الكرسى مش من العقل انهم يحاولو يمسكو النادى فى الظروف دى وشيلته تقيله وما يقدرش عليها غير ربنا وحده وربنا يعينهم ويقدرهم ولازم كل ابناء ومحبين النادى يقفو جمب النادى والوقت ده ما ينفعش تختفى او تخاف من كلام حد خاف على النادى وحب مصلحته وبس
