علق أحمد عيد عبدالملك نجم الزمالك السابق على الموسم الصعب الذي بدأه الفريق الأول لكرة القدم دون مجلس ادارة حاليا انتظارا للانتخابات القادمة يوم 20 أكتوبر المقبل.
أحمد عيد عبد الملك خلال حسابه على موقع التواصل الاجتماعي تويتر تحدث قائلا:
موسم بدايته صعبة علي نادي الزمالك من قفل قيد ومشاكل ادارية وعدم وجود مجلس ادارة وانتخابات ودي اصعب فترة في تاريخ النادي ادارياً وفي كل الالعاب ..
انا كل الي يهمني اي ان كان مين موجود يجيب حق نادي الزمالك في كل شئ والسكوت علي حق النادي في اي قضية من اي شخص موجود في المسؤلية هو تفريط واضح في حق النادي ويبقي لا يستحق وجود الشخص ده في مكانه علشان لو مجبتش حقك محدش هيبروزه زي غيرك ..
وتابع: الزمالك عاوز ناس تشتغل متتكلمش كتير وفي ناس تقدر تعمل كدة فعلاً ..
الي هيجي يعمل حسابه هيحارب من كل الجبهات الي اغلبها ضدك او علي الاقل محدش فيهم هيساعدك ولو ليك حق مش هيظهروه ولو عليك حاجة هتتبروز كالعادة ..
واستكمل: احنا بيتداس علينا من الكل لو بنقع محدش بيقف جنبك احنا لوحدنا ومش هنقوم غير بولادنا وجمهورنا والله متستناش مساعدة انت فطسان وبيفطسو فيك عن عمد متعرفش ليه وازاي عاوزين يخلصو علينا بس للاسف طول ما فينا نفس الزمالك هيفضل عايش ..
الزمالك اولاً طبعاً بس عاوزين شغل علي الارض
