خرج الإعلامي عماد دربالة للتعليق على موقف اللاعب محمد صلاح لاعب منتخب مصر وليفربول الإنجليزى من القضية الفلسطينية الأخيرة.
وكتب عماد دربالة عبر حسابه على موقع التواصل الاجتماعي فيسبوك قائلا:
ماذا يمكن ان يخسر محمد صلاح لو دعم القضيه الfلسطينيه؟
تفتكروا يخسر ليفربول وجمهوره؟
يخسر حملات اعلانيه وفلوس؟
يخسر جايزة افضل لاعب فى العالم؟
ليفربول وجمهور بيعتبروه اسطوره ورمز وسجوده بعد كل هدف كان دعايه سلميه ايجابيه للاسلام ولا افضل داعيه من الازهر....
يعنى لو كتب بس بوست واحد اكيد هيجيب الاف المشاركات ما بين مؤيد ومعارض والمحصله انه اكيد مش هيخسر ليفربول ولا جمهوره ولكنه هيجيب مؤيدين للقضيه ممن يعتبروا صلاح رمز وماشيين وراه.
وارد يخسر تعاقد معلنين واكيد فى شروط جزائيه كبيره وفلوس كتير هتضيع.بس هو صلاح اصلا محتاج فلوس؟ده رفض مليارات سعوديه من كام يوم!
وطبعا جايزة افضل لاعب دى لكونه عربى ومسلم كدا كدا مش يياخدها بقاله سنين واكيد برضه الجايزه الجايه مش هياخدها.
بعد شوية وقت مش كتير مصير صلاح لاحد الدوريات العربيه اللى بتدفع مليارات يعنى موضوع الفلوس واستمرار اللعب والشهره مضمون.
انت احتفلت بالكريسماس بما يتعارض مع هويتنا الاسلاميه وقولنا ماشي.بيفرح يومين مع عياله ومراته.
دعمت القطط والكلاب ودافعت عنهم قولنا محب للحيوانات.
بس خلى بالك اهلنا فى فلs sطين اهم من اى فلوس واى شهره ودعمك للقضيه شرف لك ولاى داعم وتخليك عن القضيه هيسحب منك القاب كتير اولها فخر العرب يا فخر العرب!!!!
