نصح الإعلامي أحمد عفيفي، مجلس ادارة الزمالك الجديد برئاسة حسين لبيب الاستفادة من المحلل الرياضي والاعلامي محمد خليفة.
أحمد عفيفي وعبر حسابه على موقع التواصل الاجتماعي تويتر تحدث قائلا:
الكلام ده مش ضغط على مجلس إدارة الزمالك الجديد ابدا، لهم مطلق الحرية واتمنى لهم كل التوفيق، لكنه مجرد رأي من مشجع
وتابع: مهم جدا الاستفادة من محمد خليفة اللي بشوفه يقدر يبقى مفيد في اكتر من مجال
شخص ذكي اعلاميا وذكي في المطلق، عنده حس سياسي بيخليه فاهم ايه اللي يتقال، يتقال امتى، ويتقال ازاي وايه ميتقالش حتى لو مهم لو كان هيؤدي لتبعات سيئة
شخص متزن، مش انفعالي ومش بارد
والاهم انه مش رخيص، مش هيجري ورا الشو او يقاتل من اجل نسب الاشياء لنفسه او يزق حد عشان يطلع في الصورة مكانه
شخص ذكي مفيد مريح وعنده خلفية زملكاوية عميقة
زي ما قلت، ده مش ضغط ولا حتى مطالبة، انا عارف ان ليا قدر عند ناس كتير لكن أكره ما عليا اني ابقى غالي فاستغل غلاوتي
ولو قرر المجلس اشياء مختلفة او اشخاص اخرين فهتمنى لهم ولاختيارهم كل التوفيق
