فتح الإعلامي أحمد سعيد المعروف بتعصبه الشديد للنادي الأهلي، النار على مجلس إدارة النادي الأهلي عقب الخروج بالأمس من الدوري الأفريقي.
الأهلى خرج من بطولة الدوري الأفريقي من نصف النهائي على يد فريق صن داونز الجنوب أفريقي بالخسارة في الذهاب بهدف للاشئ والتعادل في الاياب سلبيا على ملعب استاد القاهرة
أحمد سعيد وعبر حسابه على موقع التواصل الاجتماعي فيسبوك تحدث قائلا:
مرتضي بس هو اللي كان بيعمل تغييرات في الجهاز الفني وهو كسبان عشان الناس تسيب النجاح وتتكلم عن مرتضي
الخطيب تدخل في الجهاز ومشي أنجح مدير كرة في تاريخ الأهلي وجهاز طبي من أفضل الاجهزة اللي جت في الاهلي في الفترة الاخيرة
مشيت مدير كرة حافظ تاريخ كل لاعب وجهاز وادارة وحكم ونادي في الكرة الافريقية في واحدة من اندل مواقف يذكرها التاريخ
مرتضي بس اللي كان بيروح يجيب مهاجم عجيب بعقود ومبالغ غريبة ومحدش فاهم مين ده وجه ازاي وبيلعب كورة ليه أصلا.
مين اللي رشح موديست وجابه ليه
مرتضي بس هو اللي كان معاه هزازين في القناة يدافعوا عن صفقاته المضروية ويقوله صفقات تاريخية ولو مجبتش بيطلعوا يهاجموا الجمهور زي الحج عدلي القيعي كده ويقول الاهلي مش محتاج صفقات ويعدلنا المصابيين اللي راجعيين
صلح غلطاتك ياكابتن والنبي وغير لجنة الكرة ورجع سيد وهات اتنين مهاجمين زي الناس واحد فوق السن وواحد تحت السن
ومتوجعوش دماغنا بالخمس بطولات عشان جمهور الأهلي عارف ان افريقيا جت بس بتوفيق من الله وحده
