أطلق مرتضى منصور رئيس النادى الاسبق عدة تصريحات من امام محكمة القضاء الادارى منذ قليل.
حيث تواجد اليوم وحضر جلسة الطعن على انتخابات الزمالك المقامة من عدد المرشحين السابقين، وعدد من أعضاء الجمعية العمومية، فى النادى، يطالبون ببطلان الانتخابات الاخيرة.
مرتضى منصور أكد أنه لم يقوم برفع القضية ببطلان الانتخابات، وانه جاء للحضور من باب التضامن مع كل الاعضاء الذين رفعوا القضية.
ووصف حال الزمالك الان بانه مثل قطاع غزة بالضبط، فى اشارة الى تدمير النادى، قائلاً فى مخدرات وتحرش وقلة أدب.
المجلس الحالى ضحك على الناس وقالهم عندى حلول مجهزها من 3 شهور لحل الازمات، ومشوفناش حاجة، وقالوا هنرفع القيد، ورجعوا قالوا مش فى يناير.
ثقتى فى القضاء بلا حدود والنادى رجع للايام السوداء على ايد ممدوح عباس، والقاضى شاف الفيديوهات اللى الالتراس اللى كان موجود فى الانتخابات ضرب فيها الاعضاء.
مفيش اى إجراء سليم فى الانتخابات، وتم استبعاد 35 الف عضو من التصويت بحجة انهم لم يسددوا الاشتراكات، وقدمنا مستندات انهم سددوا أخر سنة.
وعن عماد البنانى وهو رئيس اللجنة الثلاثية التى كانت تدير النادى، مين عماد دا ... ومين أحمد عبد الوكيل اللى أشرف على الانتخابات ودا واخد 5 شاليهات بدون وجه حق والوزير نقله أسيوط.
دى مش انتخابات والكل عارف، وفي من الاعضاء الناجحين أساساً 6 أو 7 أعضاء مشطوب عضويتهم.
