إنتقد وائل جمعة لاعب النادى الاهلى ومحلل قنوات بى ان سبورت لاعب النادى الاهلى ومهاجمة صلاح محسن.
وهو اللاعب الذى لم يفعل شيء مع الاهلى منذ عودته من الاعارة فى بداية هذا الموسم، وبمجرد أن سجل هدف اليوم، ذهب لجمهور الاهلى وأشار لهم بإشارة "هس".
وائل جمعه شن هجوم على اللاعب قائلاً : ما فعله صلاح محسن وإشارته للجمهور إستفزنى جداً، الاهلى عنده مشكلة فى مركز المهاجم وانت من ساعة ما جيت الاهلى قاعد مش بتلعب.
كل مباراة تشارك فيها تضيع فرص ومش بتسجل، واللوم كله المفروض ليك، ولما تجيب جول انهارده تروح للجمهور وتعمل كدا... معقول فى حد يعمل كدا.
اللى حصل دا بيكشف عقلية اللاعب عاملة إزاى ... إنت المفروض مهاجم وجيبت جول .. تكسب بقى ثقة الجمهور مش تروح تعمل لهم "هس".
وأتم : الجمهور دا هو اللى بيشجعك وبينادى عليك، ولا يستحق هذه الاشارة، وأنت من تستحق اللوم على مستواك.
