طالب أحمد عيد عبدالملك نجم الزمالك السابق من إدارة النادي سرعة حسم ملف المدير الفني الأجنبي للفريق.
وذلك في ظل عدم رضاه عن أداء الفريق خلال مباراة الأمس أمام أبو سليم الليبي في الكونفدرالية الأفريقية رغم الفوز بهدف للاشئ.
أحمد عيد عبد الملك ومن خلال حسابه على موقع التواصل الاجتماعي فيسبوك تحدث قائلا:
الزمالك لازم يشتغل علي ملف المدير الفني الاجنبي بسرعة علشان موضوع الصعود للادوار التالية في الكونفدرالية منتهي ..
المدرب يبقي موجود سريعاً علشان يشوف النواقص بتاعته ..
الزمالك محتاج صفقات فعلاً بعد فتح القيد مش اقل من ٤ او ٥ لاعيبة ..
ومحتاج يجهز صف تاني يشيل الفرقة في المستقبل القريب في ظل الازمة المالية ..
ومن شغلي في دوري المحترفين والدرجات الادني شايف ان في لاعيبة فعلاً تستحق تبقي موجودة واحسن من لاعيبة كتير في الدوري الممتاز وبتكلفة اقل واعمار سنية صغيرة ومواهب بس محتاجة لتركيز وعين تتابع كويس ومنروحش ورا الترند بس والكلام علي اي لاعب وخلاص !!
الزمالك محتاج شغل كتير والله والدنيا مش صعبة زي ما الناس متخيلة محتاجة شوية نظام وبس
