تحدث أحمد عيد عبد الملك لاعب الزمالك الاسبق، على مستوى اللاعبين فى مصر، مؤكداً أن كل اللاعبين فى مصر مستوياتهم متقاربة.
وبإستثناء عدد قليل جداً من اللاعبين، أكد أحمد عيد عبد الملك ومعه كل الحق أن باقى اللاعبين مستوى واحد، والظروف المحيطة بنادى كل لاعب هى من تصنع الفارق.
وعبر صفحته الشخصية على موقع التواصل الاجتماعى إكس كتب أحمد عيد عبد الملك قائلاً :
هعيد واكرر تاني للمرة المش عارف كام ان كل لاعيبة الكرة في مصر شبه بعض في كل الدرجات او قريبين من بعض جداً، الا ٣ او ٤ لاعيبة مستمرين بقالهم كام سنة بيطورو من نفسهم وموهوبين.
واللي بيفرق طموح اللاعيب والنادي الي بيلعب ليه والاستقرار فيه ودور المدرب في تطويره و ده الاهم المدرب ممكن يعمل من الفسيخ شربات حتي لو امكانيتهم مش كبيرة بنظامه وخلق روح منافسة في الفرقة والشغل علي النواقص الي عندهم ويعرف يطلع امكانيات كل فرد في خدمة الفرقة ..
الكرة سهلة والله و ابو ١٠ مليون شبه ابو ٢٠٠ الف واللي مش مصدق هو حر 🤝
