شن مجدى عبد الغنى لاعب النادى الاهلى هجوم على مجلس ادارة النادى الاهلى برئاسة محمود الخطيب، بسبب صفقات اللاعبين التى أبرمها مجلس الادارة.
هذه الصفقات التى لم تظهر بشكل جيد مع النادى الاهلى، وابرزها واهمها الفرنسي موديست مهاجم الاهلى الذى لم يظهر بمستوى جيد ويواجه حملة إنتقادات كبيرة من جمهور الاهلى.
مجدى عبد الغنى سأل سؤال فى تصريحاته : هو ليه محدش بيحاسب حد فى النادى الاهلى على الصفقات الفاشلة اللى تعاقد معها الاهلى.
النادى الاهلى لحد دلوقتى مش عارف يجيب مهاجم مميز، راح اشترى موديست، ومش عارف إشتراه بناءً على إيه، ومن قبله سافيو، مش عارف جابوه منين، ومن قبلهم بادجى.
الناس دى بتعمل ايه بالضبط فى الاهلى، وليه محدش بيحاسب مسئولى الاهلى، ولا إحنا بس اللى نتحاسب لما نتكلم فى الحق.
لكن مجلس الاهلى أهدر فلوس الأهلي فى إيه، محدش بيحاسب حد.
الاهلى المسزانية الخاصة بيه فى السنة، 2 مليار جنية في السنه، عايزين تقنعونى ان حد من الجمعية العمومية راجع الكلام دا، دا اللى حضر مش بيفهم حاجة فى الارقام.
