علق الاعلامى احمد حسام ميدو على تعادل منتخب مصر منذ قليل مع منتخب موزمبيق فى بطولة الامم الافريقية.
التعادل الذى تم بهدفين لكل فريق، ضمن منافسات الجولة الاولى من دور المجموعات من بطولة الامم الافريقية، التى تنظمها دولة كوت ديفوار.
وعبر صفحته الشخصية على موقع التواصل الاجتماعى إكس كتب أحمد حسام ميدو قائلاً :
مباراة سيئة جدا من منتخبنا ماعندناش اي حلول لاعيبة نص الملعب لا بيدافعوا ولا بيهاجموا باكين الجنب التلاته اللي لعبوا مش عارفين يرفعوا ولا كورة صح ومفيش ضغط عليهم المهاجمين واقفين في العرضيات ماحدش فيهم بيحاول يقطع قبل المدافعين امام عاشور نازل قرفان و بيلعب على الهادي خالص كاننا كسبانين..
ازاي كهربا يبقى بره واحمد حسن كوكا هو اللي ينزل؟ ليه في الزحمه دي مصطفى فتحي مانزلش؟ اسوأ مباراة لڤيتوريا مع المنتخب..مباراة كلها اخطاء من المدرب!!
وتابع فى تويته أخرى مواصلاً تعليقه على هذا التعادل :
ربنا ستر النهارده وطلعنا متعادلين و النقطة اللي اخدناها النهارده هي الحسنة الوحيدة في الماتش..الماتش اللي جاي مش محتاج تأليف لازم نلعب ٤-٣-٣ ولازم نبقى منظمين وكل اللاعيبة تلتزم بأدوارها الدفاعية..كم اللاعيبة اللي بتتمشى بعد ما الكورة بتتقطع مننا مرعب!!
