هاجم الاعلامى ابراهيم فايق، محمد صلاح المحترف فى صفوف الفريق الاول لكره القدم فى نادى ليفربول الانجليزى وقائد المنتخب الوطنى الاول.
ونشر عبر حسابه الشخصي على موقع التواصل الاجتماعى "فيس بوك":
وكتب: هفضل طول عمري فخور بأسطورة مصر محمد صلاح وفخور اني عشت فترة أعظم لعيب صال وجال في أوروبا وبلاد الإنجليز، لكن لازم الناس تتعلم أن نقد اللاعب فنيا في مباراة شيء طبيعي وعادي جدا.. صلاح كان وحش في ماتش غانا ولو سألته هو نفسه هيقولك مش راضي عن مستوايا.. مفيش لعيب او مدرب فوق نقد الجمهور والإعلام خاصة وده منتخب مصر، ومع ذلك هفضل أول حائط صد ضد أي واحد عايز يستغل غضبنا في ماتش كرة لمنتخب مصر ويهاجم صلاح ويقلل منه أو من تاريخه او يفتري عليه بالكذب.. صلاح ده عيشنا حلم جميل.. إن شاء الله يرجع يكسر الدنيا ، ومنتخب مصر يفوق كده ويفرحونا بدل النكد اللي إحنا فيه،إحنا غضبانين ومتنكدين فياريت لعيبة المنتخب والجهاز الفني يحسوا بينا ويصالحونا.
