حرص محمد طارق عضو مجلس ادارة نادى الزمالك على توجية رساله الى جمهور نادى الزمالك فى ظل الفترة الحالية، التى يمر بها النادى.
وبعد حل أزمة القيد وبعد التعاقد مع عدد من اللاعبين، حرص عضو مجلس الادارة على توجيه رساله للجمهور الابيض.
وعبر صفحته الشخصية على موقع التواصل الاجتماعى فيس بوك كتب محمد طارق قائلاً :
دايمًا بيتقال إن ترابط العائلة بيصنع المعجزات والأيام بتثبتلنا إن ده مكنش مجرد شعارات وكلام مرسل وده إللي بيتحقق وبيتنفذ دلوقتي على أرض الواقع جوه نادينا.
الترابط بدأ من المدرج والشباب إللي صدقت وكانت مأمنه بناديها وفضلت وراه من المدرج بصوتها حتى في أصعب الأوقات والظروف وكانوا دايمًا السند للنادي إللي كلنا فرد منهم ومشجعين قبل ما نكون مسؤولين.
وإتقوى وكمل بإختيار ورغبة أعضاء الجمعية العمومية إللي حطّت الثقة في المجلس بالكامل وهم على يقين إن ده الأصلح لنادينا، ثم وجود مجلس إدارة قوي ومتكامل وكله على قلب رجلًا واحد بيشتغل لمصالح النادي وجاي ينفذ رغبات أعضاء وجماهير نادي الزمالك إللي وقفت في ضهر المجلس من أول يوم علشان كانت شايفة مصلحة نادينا في وجود قائمة واحدة موحدة.
أتمنى إن كل شخص بينتمي لكيان الزمالك العظيم يكون فرد من عائلتنا إللي بيربطها الشغف والحب والتكاتف لهدف واحد وهو الوقوف خلف نادينا لرفع رايته، دي مجرد البداية.
