طالب الاعلامى احمد حسام ميدو، بضرورة عودة احمد فتوح ظهير ايسر الفريق الاول الكروى بالنادى لصفوف المنتخب الوطنى الاول.
ونشر عبر حسابه الشخصي على موقع التواصل الاجتماعى "اكس":
وكتب: عجبني المنتخب إمبارح، اللاعيبة بتقاتل، ومنتخبنا بعد الهدف ساب الاستحواذ ولعب على المرتدات بشكل كويس،بعض من أفكار حسام حسن واضحة بمحاولة تجميع اللعب في ناحية، ونقل الكرة بسرعة للناحية الثانية، مهم إن الرسالة واصلة، إللي مش هيقاتل كل دقيقة وكل ثانية في الملعب مش هيكون ليه مكان في التشكيل الأساسي، الخطوة الجاية لازم أزمة محمد صلاح مع الجهاز تتحل، وتتحل بذكاء بتدخل مسؤولين كبار، ماتسيبوش الموضوع ده لأصحاب اللقطة، ومهم جدا عودة فتوح للمنتخب، محمد حمدي لاعب كويس لكنه مش الباك لفت إللي هيشيلك في الماتشات الثقيلة، البداية لازم تيجي من فتوح، وإن شاء الله يكون مركز ومتألق الفترة إللي جاية مع الزمالك، وترجع المنتخب وترجع لاعب أساسي، لإن ده مكانك الطبيعي.
