شن أحمد سالم المتحدث الرسمى بإسم نادى الزمالك هجوم على برامج رمضان بسبب تعمد الحديث بأخبار سلبية عن نادى الزمالك.
البرامج التى كنا اول من وصفناها هنا فى الزمالك اليوم بالبرامج العبيطة، اكد أحمد سالم المتحدث الرسمى للزمالك على هذا الحديث منذ قليل.
وعبر صفحته الشخصية على موقع التواصل الاجتماعى فيس بوك كتب احمد سالم قائلاً :
هي برامج الفضائح اياها افلست إعلاميا و مبقاش عندها أفكار غير انها تجيب ضيوف تلمعهم بأسئلة ركيكة متفق عليها ،
مقابل إنهم يشهروا بنادي الزمالك ويهددوا استقراره؟؟
محدش قال لهم ان الأمانة و المهنية تحتم عليهم طرح الأسئلة اللي الجمهور عايز يعرف اجاباتها مش اللي الضيف عايز يسمعها ؟
و لو مش فاهمين في الكورة ليه بيتكلموا فيها بسذاجة و سطحية ، الا لو كانت السذاجة دي مقصودة لاسمح الله؟
بالنسبة ان عدد اندية كرة القدم في مصر حوالي ١٠٠٠ نادي منهم ١٨ نادي في الدوري الممتاز غير عشرات الأندية في دوري الدرجات الأولي و التانية و التالتة و الرابعة ،
ليه يا تري كل حلقات البرامج اياها متخصصة في أخبار و مشاكل الزمالك طوال رمضان دون غيره من الأندية ؟؟؟
للمرة المليون ....كلنا تركيز في دعم و مؤازرة جميع الفرق الرياضية بنادي الزمالك حتي يتحقق كل ما يتمناه جمهور الزمالك العظيم
#الزمالك_اولا
