علق المحلل الرياضي عماد دربالة على الوضع الحالي لنادي الزمالك بصفة عامة على كافة المستويات والاصعدة.
وعبر صفحته الشخصية على موقع التواصل الاجتماعي فيس بوك كتب عماد دربالة معلقاً قائلاً متسائلاً :
خسرنا فى العاب الصالات والصالونات والبلكونات وفريق الكوره مش لاقيينه فى جدول الترتيب اصلا من كتر النتايج السلبيه.
وضيعنا 18 نقطه فى 11 فى مباراه فقط،شيكا ودونجا اتوقفوا،الفيفا بيرفض لعب مباريات الدورى خارج حدود الدوله المنظمه ومع ذلك هيتم اجبارنا نلعب ماتش الدورى فى السعوديه.
القناه بتاعتنا محتواها اقرب لموجه كوميدى.
فكيتوا وقف القيد والجميل على راسنا وجيبنا صفقات مش بيلعبوا اصلا واللى بيلعب منهم عامل اداء اقل من المتوقع باستثناء دى ماركو السله وكام اسم فى فريق الكره علما بان المدربين كلهم مش قد اسم النادى ولم يتم عرض الصفقات عليهم اصلا.
طبعا ده غير اننا ما زلنا بنشغل حبايبنا واهل الثقه مش اهل العلم والخبره.
السؤال بقى لمجلس الاداره:سفينة الزمالك رايحه لفين؟احنا واثقين فيكم جدا ومتعشمين افضل من كدا
