انتقد رضا عبد العال لاعب القطبين السابق البرتغالي جوزية جوميز المدير الفنى بعد الهزيمة من سموحة بالأمس ضمن منافسات بطولة الدورى.
الهزيمة التى حدثت بالامس ضمن منافسات الاسبوع الـ 21 من عمر مسابقة الدورى العام، حرص رضا عبد العال التعليق عليها.
رضا عبد العال وعبر تصريحات تلفزيونية له اكد أنه من المفترض ان مباراة سموحة كانت آخر بروفة للفريق قبل نهائى الكونفدرالية الإفريقية أمام نهضة بركان.
كان المفروض العب بالفريق الاساسى وأجهزة لان لحد يوم الماتش اللى هو الاحد اللى جاى مش هلعب ماتشات، وبالتالى اللاعيبة هتكون مريحة.
كان المفروض استفاد بأني ارفع لياقة اللاعبين البدنية، ولو مدرب نص لبه مع لاعبى الزمالك دى هينافس على الدورى، وبعدين دا انت كسبت الاهلى بطل الدورى، مش عارف تكسب سموحة..
دا مش اسمه روتيشن دا اسمة هبل، وفين سامسون اللي كسبك الماتش اللي فات، هو انت بتعاقبه علشان بدأ يتألق.
