انتقد أمير عزمى مجاهد لاعب ومدرب الزمالك الحكم السابق أحمد الشناوي، محلل أداء الحكام فى قنوات أون تايم سبورت.
امير عزمي مجاهد وعبر تصريحات تلفزيونية له شن هجوم على الخبير التحكيمي الكبير أوى أحمد الشناوى، مؤكداً أنه يُناقض نفسه فى التصريحات.
وواصل : مع احترامي له قال إن كرة الزمالك فى ماتش سموحة فى شد على مدافع الزمالك لصالح حسام حسن، ولعبها هى هى لصالح الزمالك قال لا ترتقى انها تكون ركلة جزاء.
وأضاف : الاستوديوهات بتجيب ناس بتحلل على مزاجها ودا شيء واضح، وفى مشاكل كتيرة فى منظومة التحكيم، والناس مش عايزه تحل.
بيقعدوا يقولوا عندنا أحسن حكام وأحسن تصوير انتم بتضحكم على مين، في مشكلة في التحكيم، وفى مشكلة فى زوايا التصوير والخطوط بتترسم على المزاج، وكل دا بيعمل مشاكل.
وأضاف : المشكلة ان عندنا فى التنظيم، يعنى مثلاً مفيش دورى بيخلص فى شهر 9، عندك المغرب ما هى زينا بتلعب أمم افريقيا وبتلعب بطولات أندية أفريقيا، ومع ذلك الدورى بيخلص فى معاده، و تأجيلات الدورى بالمزاج.
