تحدث أحمد عيد عبد الملك نجم نادي الزمالك السابق والمدير الفني الحالي للفريق الأول لكرة القدم بنادي غزل المحلة الصاعد حديثاً للدوري الممتاز.
أحمد عيد عبد الملك حسم حقيقة تواجد صفقات تبادلية بين المحلة والزمالك خلال الموسم المقبل.
وذلك وفقاً لتقارير إعلامية ربطت أكثر من لاعب من المحلة بإمكانية الانضمام إلى صفوف فريق نادي الزمالك خلال الموسم المقبل.
أحمد عيد عبد الملك وعبر حسابه على موقع التواصل الاجتماعي فيسبوك تحدث قائلاً نصا:
ولا لاعب مهم في غزل المحلة هيخرج من الفرقة مهما كانت الاسباب وده اتفاقنا مع الادارة من اول يوم .. الاخبار كترت الفترة الي فاتت ومش عارف بتتجاب منين !!والله العظيم مفيش حاجة من الكلام ده صح ولا صفقات تبادلية هتتم .
وتابع: انا شايف محاولات كتير لتسخين الجمهور علي الجهاز من اول يوم جددنا فيه عقدنا ومش عارف لمصلحة مين !! عموماً احنا بنشتغل بقلب وضمير وزي ما قولت بنعمل فرقة لغزل المحلة حاجة محترمة تشرف النادي في الدوري وبنتمني الدعم والمساندة لسة بدري علي التقطيع في الجهاز وان يتحطلنا عقبات قبل ما نبدأ مش عارف ليه .
واختتم: واحنا عاوزين نشتغل بس واغلب الناس تبقي واقفة ورا الفرقة احنا انهاردة موجودين بكرة غيرنا هيجي ويكمل مبتدومش لحد وربنا يكمل الامور علي خير .
