قامت مروة عيد عب الملك لاعبه الفريق الاول لكره اليد سيدات فى النادى الاهلى، بالاعتذار لمحمود شيكابالا قائد الفريق الاول الكروى بالزمالك.
ونشرت عبر حسابها الرسمى على موقع التواصل الاجتماعى "فيس بوك":
وكتبت: فكرة القهر وأنك بكلمة ممكن تأذى البنى ادم اللى قدامك وتكسر قلبه ده ذنب كبير قوى هيفضل فى رقبتك العمر كله ودى حاجه صعبه قوى بصراحه وعشان كده انا قررت انى عمرى ما هجيب سيرة اى لاعب تانى مهما كان الحدث عشان دى فى الأخر كوره ف منظومة اصلاً حرام انك تشيل ذنب فيها والله ولو بكلمه واحده على سبيل الهزار وعشان اكون بريئه من ده قصاد ربنا ومكنش سبب فى أذية حد ولو نفسياً بكلمه كانت على سبيل الهزار مش اكتر وربنا وحده يعلم ف حقك عليا يا عم انا مقصدش والله سواء انت او اى لاعب تانى Shikabala
ربنا وحده اللى عالم بنوايا الانسان مهما كانت ردود الفعل او التعليقات ف كده كده انا مش فارقه معايا انا مش حمل ذنوب ببلاش كفايا الذنوب اللى احنا بنعملها وربنا يهدينا ويغفرلنا جميعاً ، الفترةاللى فاتت علمتنى حاجات كتير قوى أهمها انك ماتدخلش خناقات مع حد ولا عشان حد عشان ف الأخر محدش هينفعك صحتك وأهلك وحبايبك اهم بكتير من اى خناقات وكلام مالهوش لازمه بص حواليك كده وهتعرف انها ماشيه بالحب والمحسوبيه والتطبيل ولو معملتش كده مش هتاخد حقك وهيجيبوا ناس تانيه أقل منك كفاءة بس أعلى منك ف التطبيل والمحسوبيه والمصالح ، وانا قررت انى ابعد عن كل ده واعيش حياتى فى هدوء وأتبسطت مع حبايبى وصحابى وبس ، ربنا يهدينا ويهديكم جميعاً ويغفرل ل احمد رفعت ويرحمه
نصيحه لوجه الله وعن تجربه كبر دماغك مش هيجيلك غير وجع القلب وف الاخر لو انت الناس دى مش بتحبك وانت مش بتطبل بضمير وتديهم وضعهم مش هتاخد حقك ابداً وهتفضل مكروه ومنبوذ وهيعيشوا خايفين منك عشان انت انضف واحسن منهم بكتير ، عيش حيّاتك وأتبسطت مع حبايبك وسيبها على الله مش مستاهله والله خالص
ربنا وحده شاهد على كل كلمه قولتها انها من قلبى
