دافع الناقد الرياضي خالد طلعت عن اللاعب ناصر منسي لاعب ومهاجم الفريق الأول لكرة القدم بنادي الزمالك.
وذلك عقب الانتقادات الكبيرة التي تعرض لها ناصر منسي عقب إضاعته فرصة محققة خلال مباراة الزمالك أمام بلدية المحلة في الدوري بالأمس
المباراة انتهت بالتعادل السلبى بدون أهداف في الدوري على ملعب استاد القاهرة الدولي.
خالد طلعت عبر حسابه على موقع التواصل الاجتماعي فيسبوك كتب قائلا:
للأسف الشديد متعلمناش من درس المرحوم أحمد رفعت رغم انه مفاتش عليه أيام قليلة ورجعنا تاني لطبيعتنا ولمساوئنا ولأخطائنا
لما رفعت توفى معظم الصفحات والجماهير والاعلام قالوا انهم مش هيسخروا ولا يتريقوا على حد تاني عشان منسببلوش أذى نفسي
لكن للأسف الشديد الناس نسيت خلاص بعد أيام قليلة ومن امبارح فيه حالة من التنمر والتريقة على ناصر منسي مهاجم الزمالك لمجرد انه اضاع فرصة لتسجيل هدف رغم ان اعظم لاعبي العالم بيضيعوا فرص وبتحصل عادي جدا
أكيد ناصر متضايق جدا انه ضيع الفرصة دي واكيد المدرب عنفه بعد الماتش وغالبا هيمشي من الزمالك اخر الموسم والفرصة دي أكدت على رحيله ، يعني الراجل أصلا مش ناقص كمان الحملة اللي معمولة عليه
النهاردة يوم عاشوراء ويوم صيام وتقرب من ربنا يا ريت نفتكر رفعت واللي حصله ويا ريت نتعلم الدرس ومننساش بسرعة قوي كده
