وجة محمود فلفل حارس مرمى الفريق الاول لكره اليد رجال، نقد لازع، للشمائتين فى المصريين المشاركين فى اولمبياد باريس.
ونشر عبر حسابه الشخصي على موقع التواصل الاجتماعى "فيس بوك":
وكتب: الناس اللى بتتريق على اى حد بيخسر فى الاوليمبياد فى اول جولة فى اى رياضة كده كده الجمهور بشكل عام مش هيفكر غير فى النتيجة النهائية يعنى اللى يهمه المكسب وبس
النقطة المهمة ان اى رياضى بيوصل لمرحلة متقدمة فى الرياضة بتاعته بيكون ضحى بحاجات كتير فى وقته و مجهودة و اكله و شربه و نومة فياريت الناس اللى قاعدة تتريق حقك تنتقد بس مش تتريق لان للاسف بشوف فيهم ناس لعبت رياضة و موصلش لحاجة و المفروض هو فاهم ان التدريب و التعب مش ديما بيوصلك للنجاح اللى انت عاوزة لان فى المنافسات او الماتشات ممكن يحصل اى شئ من ضغط نفسى او عصبى او غلطة او عدم توفيق تخسرك كل حاجة و للاسف الحكم بيتاخد على اخر لقطة فكفاية تريقة على الناس
تكملة للكلام و الله اللى عنده مشكلة مع مسئول يهاجمه يا جماعة انا مش بدافع عند حد انا بتكلم على الجزء الصغير بتاع اللاعب اللى بينافس سواء كسب او خسر انا ولا بقول يتصرف او ميتصرفش او البلد احسن ليها الفلوس دى تتصرف على التعليم او على الرياضة او على السهر الكلام محدد فى نقطة معينة انما بقى الارقام اللى بتتصرف دى مش بتاعتى بس الناس عارفة ان مهاجمة المسئولين صعبة فنمسك فى الضعيف
