علق المخرج عمرو سلامة على حالى العبث الرياضى الكروى التى تتمثل فى مجاملة الاهلى كى يحقق بطولات وهمية.
وخير دليل على ذلك ضربات الجزاء الوهمية التى حصل عليها هذا الموسم، والتى ستساهم فى تتويجة ببطولة "ال إيه الدورى العام.
عمرو سلامة وعبر صفحته على موقع التواصل الاجتماعى إكس كتب ساخراً من وضعنا والمجاملات الكارثية قائلاً :
أنا رأيي خلاص، الدوري كل سنة نديه للأهلي من قبل ما يبدأ، والفرق الثانية تنافس ع المركز الثاني، حرام نتعب لعيبة غالية كده كمان في بطولات محلية، ورايحين جايين على محافظات يلاعبوا فرق غلبانة مش مستواهم، يركزوا بقى في البطولات القارية والعالمية.
كمان من العبث إنك تحبط فرق كل ميزانيتها تساوي نص سعر لاعب في الأهلي وهم بيخسروا ثلاثة وأربعة بأقل مجهود من أبطال القارة.
الفجوة كبرت لحد ما انتفت المنافسة، ومناخ طارد لأي مستثمر يفكر يحط فلوس في الكورة في مصر، ومحبط لأي فريق جماهيري قاعد يتداين وبرضه عمره ما هيحصل فريق معاه كل هذا الدعم المادي وكل أشكال الدعم الأخرى.
يا معشر الكرويين فكروا في الاقتراح ده والله، أهه ساعتها يمكن نحس بشوية منافسة ونفرح بقى براحتنا بالأهلي بطل مصر الأوحد لما يركز طاقاته في إنه يكسب بطولات قارية وعالمية.
بدل ثقل الدم الماسخ ده.
