وجه الإعلامي مينا ماهر المذيع في قناة الزمالك رسالة إلى جماهير النادي بشأن فترة الانتقالات الصيفية الحالية والاستعداد للموسم المقبل
وجاءت رسالة مينا ماهر من خلال حسابه على موقع التواصل الاجتماعي فيسبوك قائلا:
كلامي لجماهير الزمالك اللي دايما ورا النادي في اصعب الظروف و مهما كان مستوانا او في الازمات لكننا في الاول و الاخر عائلة واحدة مش مجرد مشجعين منتمين لنفس النادي بنفرح لما بيكسب و بنزعل لما بيخسر،
وتابع: احنا فعلاً عائلة واحدة، ايدينا في ايد بعض نعدي فترة الميركاتو علي خير منسمعش اشاعات ولا كلام غير من الموقع الرسمي و المتحدث الرسمي للنادي، المدرب جوميز محتاج دعم الجماهير للفرقه في الوقت الحالي سواء الصفقات الجديدة اللي تمت بالفعل او القائمة اللي مكملة معاك في معسكر برج العرب لحد وقتنا الحالي، التكاتف مهم دلوقتي لاننا داخلين علي بطولات كمان شهر و داخلين علي سيزون جديد هيكون صعب،
واختتم: الزمالك ملوش غيره جماهيره اللي بتدافع عنه ضد اي حد، الزمالك دلوقتي محتاج جماهيره في ضهره تسنده و تخليه اقوي
