علق حسين الشحات لاعب النادى الاهلى على أزمة أحمد فتوح لاعب نادى الزمالك، وهى الازمة التى يعيشها فى الاونة الاخيرة والمعروفة للجميع.
وعبر صفحته الشخصية على موقع التواصل الاجتماعى فيس بوك كتب حسين الشحات قائلاً :
(بسم الله الرحمن الرحيم)
{واتَّقُوا يَوْمًا تُرْجَعُونَ فِيهِ إِلَى اللهِ ثُمَّ تُوَفَّى كُلُّ نَفْسٍ مَّا كَسَبَتْ وَهُمْ لاَ يُظْلَمُونَ}
أنا عايز اتكلم في موضوع كلنا بقينا بنتكلم فيه بس محدش حساس بحاجة الموت بقااا قريب مننا كلنا وناس كتير بقت تموت من كتر الضغط النفسي وشوفنا اخونا وصاحبنا احمد رفعت ربنا يرحمه يارب.
وشوفنا الأب الروحي الكابتن ايهاب جلال ربنا يرحمه يارب
وانا كنت من فتره قريبة وقت مشكلتي مع الشيبي كان عليا ضغوط ربنا وحده اللي كان عالم بيها وطلعت واعتذرت
ودلوقتي مش عايزين نوصّل موضوع اخويا احمد فتوح لكده ونرجع نقول بعد كده ياريت كنا خفينا عليه، فتوح غلط وقال انا غلطان مش لازم نتكلم ونقول لا انت غلطان ونضغط عليه اي راجل لما بيطلع يعتذر ويقول انا غلط سامحوني، اولا دي حاجة كبيره جدا عند ربنا والراجل طلع وقال أنا غلطان وعايز يروح لاهل المتوفي ربنا يرحمه يارب ويصبر اهله واولاده يارب.
مش كل شويه نطلع ونقول حسين انت شتمت حسين انت غلط ..نفس الكلام برده فتوح مش كل شويه نطلع ونقول انت غلطان ادعي لفتوح ربنا يهديه ويسامحه ادعي لحسين ادعي لاي إنسان بيغلط ربنا يهديه و يسامحه
(كل بني آدم خطاء وخير الخطائين التوابون ) ربنا يهدينا جميعا ويسامح الجميع يارب الدنيا مش مستاهله.
( واتقوا يوما ترجعون فيه إلى الله ثم توفى كل نفس ما كسبت وهم لا يظلمون)
..فَمَا ظَنّكُم بِرَبّ العَالمِين.....
اللهمّ إنّا نظن بك غفراناً وعفواً... وتوفيقاً ونصراً.. وثباتاً وتيسيراً.. وسعادةً ورزقا.. وشفاءً وحُسْنَ خاتمة..وتوبةً نصوحاً وعتقاً من النار..فهْب لنا مزيداً من فضلكَ.. يا واسِع الفضل والعطاء..
اللهم فرج كرب المكروبين واقض حاجات السائلين وتب على العصاة والمذنبين من أمة محمد اجمعين ياااااااااااااااااارب العالمين.
قولوا آمين
