علق أحمد سليمان عضو مجلس ادارة نادى الزمالك على الصورة المنتشرة له والذى تم تداولها فى الأيام الاخيرة على أنها فى الامارات.
أحمد سليمان وعبر تصريحات تلفزيونية له قال : هناك حملة ممنهجة وراء تسريب هذه الصورة، والناس دى مش أمينه.
الصورة دى لم تكن فى الإمارات كما حاول البعض الترويج، وإنما كانت فى الصيف الماضى فى الساحل الشمالى، وكنت لابس شبشب، عشان هناك البعض "اتريق على الصورة".
الصورة كانت فى عيد ميلاد أحد أصدقائى، وقمت بـ تهنئته، واللى هيشوف الصورة هيشوف إنى كنت قاعد متكتف، وكنت بشرب مياة بس، علشان الناس اللى كانت بتقول انى بشرب حاجه تانية.
انا فى الاساس مش بشرب حتى سجائر، والصورة تم تداولها على انها فى دبى، وان انا سايب الفريق ورايح اسهر، وده مش حقيقى.
