كشف على ياسر مهاجم نادى الزمالك الأسبق عن أنه تفاجأ بأنه غير مقيد فى نادى الزمالك، موجهاً لوم شديد الى ادارة النادى الحالية.
وعبر بوست طويل سرد اللاعب قصته، مكداً أنه لم يتواصل معه اى شخص لإبلاغه بانه خارج النادى، وأنه سيبقى مضطر على هذا الوضع حتى شهر يناير.
وعبر صفحته الشخصية على موقع التواصل الاجتماعى فيس بوك كتب على ياسر قائلاً :
(وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا) بعد إغلاق القيد حابب اقول حاجه بس بعد ما قطعت اعارتي مع نادي مودرن سبورت(فيوتشر) لحد النهارده الصبح كنت مفكر اني متقيد في نادي الزمالك زي ما اتقال ليا بعد محاولات كتيرة من التواصل مع مسؤلين النادي قبل اغلاق القيد لا حد سأل فيا ولا اتواصل معايا عشان اعمل ابسط حقوقي اني انزل اتمرن.
حتي بعد ما رحت النادي اسأل علي موقفي و اني محتاج اعرف هعمل ايه لأني قاعد ف البيت بقالي شهرين و هقعد ف البيت لحد شهر يناير اتفاجئت ان النادي استغني عني قبل ما القيد يقفل بدون علمي لا حد كلف نفسه ثانية يكلمني يقولي علي حاجه ولا حد كلف نفسه ثانية يرد عليا عشان اعرف موقفي بعد ما اتقال ليا قبل كده من مدير الكورة اني متقيد في النادي.
لحد دلوقتي انا قاعد ف البيت بسبب تعاملي بإحترام واحتراف زي ما اتربيت و اتعلمت من ونا صغير بس ف الكورة ساعات بيجوا علي المحترم والمتربي شوية و دايما هيفضل عندي قناعة ان ف الكورة زي ما في الحلو في الوحش وده جزء كبير من الكورة فبكل الظروف هنعدي.
بيه و نستحمله عشان دي الحاجه الي الواحد بيعرف يعملها و بيحبها، والله يعلم اني محب ومشجع لنادي الزمالك منذ الصغر و اني كنت اتمني اتوج مع نادي الزمالك ب كل شئ لان ده حلمي منذ الصغر لكن بعض الناس كان لها رأي اخر.
لاكن حابب اشكر الجمهور و الاعيبة والمدربين الي وقفوا معايا و سندوني في اول ظهور ليا مع نادي الزمالك و فضهري من ونا صغير داخل جدران نادي الزمالك ودايما كانوا اخواتي الكبار ودايما كنت بتعلم منهم و نسأل الله التوفيق فما هو قادم ليا و لنادي الزمالك وشكرا.
