علق الناقد الرياضى عمرو الدردير على الازدواجية المعروفة لدى النادى الاهلى، وهو أمر معروف للجميع يعنى مش محتاج توضيح.
وظهرت الازدواجية فى خبر طلب ادارة الاهلى من اللاعب خالد عبد الفتاح حذف بوست تهنئة مروان حمدى، وهددت اللاعبين بفرض عقوبات على من يهنئ اللاعب بعيد ميلاده، ليعلق الدردير على هذه الازدواجية المعروفة.
وعبر صفحته الشخصية على موقع التواصل الاجتماعى فيس بوك كتب عمرو الدردير :
ممكن افهم ازاي تعاقبوا لاعب قام بتهنئة صديق سب جمهور الاهلي .. في حين ان لو جاتلكم فرصة تتعاقدوا مع اللاعب اللي سب الاهلي نفسه مش هيبقى فيه مشكله ولكم في امام عاشور عبرة ومثال!!
عايز بس افهم الازدواجية دي ازاي وانكم بتعملوا حاجه وعكسها في نفس الوقت!! لان لو فيه مبادئ فعلا طب ما كان من الاول تنسى حاجه اسمها التعاقد مع امام عاشور اللي سبابه كان أقوى من مروان حمدي بكتير!!!
